【睇淡急沽】私樓連天台海景戶呎價唔使6500元　跌返8年前

二手樓成交繼續尋底。晉誠地產李德鴻表示，政府減辣後，市場成交仍以平價單位為主，荃灣青龍頭豪景花園15座頂層單位，屬低密度設計，實用面積約936方呎，連860方呎天台，為套三房間隔，望海景，9月放盤叫價780萬元。

他又指，原業主因睇淡後市，累劈172萬元或約22%，剛以608萬元沽出上址，呎價約6,496元，重回2015年至2016年低位。新買家為同區客，一直有留意連天台物業，見原業主可大幅議價，即睇即落票還價，買入單位自住。

資料顯示，原業主早於2011年1月以488萬元購入，持貨約12年轉手，帳面賺120萬元，期內升值24.6%。