m18講場：羅德承10年前已搵緊接班人　讚梁可婷出色

本港連鎖餐飲集團大家樂(00341)去年12月宣布，「第三代接班人」羅德承(Peter)4月起退任首席執行官，並將交捧予行政總裁(香港)梁可婷(Piony)，為首位非家族成員接任。Peter周二(26日)帶住一班管理層同傳媒朋友食飯，仲大爆10年前已搵緊接班人，並唔係突然決定。

佢仲大讚Piony自2019年加入大家樂後，能力、表現都非常出色，絕對能夠勝任新職位，而且下一代有一下代嘅想法，唔需要一定返家族幫手。

至於Peter個人方面，雖然仲會保留集團執行董事職務，但前線嘅事就會留畀管理層，對同事們有絕對信心，自己就會睇下「其他嘢」，具體計劃就未有定案，事關在位一日，基本上只諗到未來24小時嘅事，反正之後有時間，可以好好計劃咁話喎。

交棒之際，成班同事特別訂咗個蛋糕送畀Peter，有齊哂集團旗下品牌，仲有佢個人仔添，認真有心思。