港交所陳翊庭一早識得唐家成　背後有段故...

香港交易所(00388)今年上市24周年，亦係齊換主席及行政總裁嘅一年。唔講唔知，原來兩位新管理層甚有淵源，行政總裁陳翊庭(Bonnie)仲話一定要多謝主席唐家成(Carlson)！到底發生過甚麼事？

Bonnie自爆，2007年首次加入港交所擔任上市科首次公開招股交易部主管，當時面試，時任聯交所主板及GEM上市委員會主席Carlson有份，笑言自己入到港交所工作，「要多謝主席」。

Bonnie就話，當年與Carlson工作時，大家已合作無間，而佢過去多年喺金融市場嘅工作經驗，已成為港交所「強大後盾」，相信令其工作擔子會易啲。

會見傳媒期間，二人亦有講有笑，回應亦有晒分工，完全體現到「合作無間」。

另外，港交所兩位前主席李業廣及史美倫均以嘉賓身份出席酒會，Carlson喺致辭時亦有公開多謝二人嘅貢獻。