m18讲场：打风停市成绝响　港交所姚嘉仁话好期待

“摩羯”袭港，港股全日停止交易。香港交易所(00388)副行政总裁姚嘉仁(Wilfred)趁机喺社交平台卖广告，虽然台风令港股被逼停市，但好快就可以同呢个情况讲拜拜。因为自9月23日开始，将会落实打风开市，到时世界各地嘅投资者，无论晴天或落雨或打风，都可以喺港交所嘅交易时间内进行买卖。

佢仲透露，喺过去几个月入面，一直同市场参与者、持份者紧密沟通，又进行市场演习，为“923”做好准备。同时多谢所有人嘅付出同支持，因为大家齐齐合作，支持香港作为世界级金融中心嘅韧性及竞争力。

事实上，小记听闻，券商早前喺市场演习嘅过程非常顺利，业界准备就绪咁话。

有一位私人家族办公室创办人喺Wilfred个贴文留言“At last! (终于)”，而大正资本创办人及首席投资总监陈惠仁亦留言大赞系好政策添！睇到国际及本地投资者都咁支持，睇嚟港交所应该放心哂啦！