m18講場：滙豐搵偉仔代言　何解要「3年之後又3年」？

話說上星期滙豐宣布搵影帝梁朝偉做香港最新品牌項目嘅財富大使，宣布短片以佢40載演藝人生為主題，立即引起城中迴響！

滙豐琴日就為高端客戶舉辦酒會，邀請特選環球私人銀行及卓越理財尊尚客戶出席同梁朝偉會面，可惜絲絲本人未有資格出席，無得同朝偉「打卡」。不過，絲絲就知道今次宣傳片導演夏永康亦現身，分享廣告背後的概念，以及與梁朝偉合作多年的點滴。

滙豐香港區財富管理及個人銀行業務總經理伍楊玉如，就引用梁朝偉在《無間道》當中的對白，笑言希望「3年之後又3年」，客戶仍然會選擇滙豐作為他們財富路上的最強後盾咁話。