m18讲场：Jollibee逆市在港扩张　Chris局长到场庆贺

菲律宾连锁餐饮集团Jollibee Foods Corporation(快乐蜂)早前收购香港点心品牌添好运馀下股权，全资公司再增一员。喺香港餐饮业叫苦连天之际，该集团在港版图逆市扩张，就连财经事务及库务局局长许正宇(Chris局长)周日(10日)放假，都不忘抽空到场贺一贺老友！

添好运新店喺尖沙咀商场K11 Artmall，Chris局长就话，Jollibee集团对添好运业务进一步拓展，体现咗对香港嘅信心同支持，亦进一步巩固咗香港作为世界级美食之都嘅地位。

佢仲话，添好运嘅成功，不仅是企业嘅成功，更系承载住香港创业精神。呢个品牌由香港发迹，成为香港点心及饮食文化的全球标志。

快乐蜂集团同时引进新加坡咖啡品牌Common Man Coffee Roasters，喺同一商场开铺。据了解，喺该品牌首次进军香港。

千祈唔好睇少呢只蜜蜂仔，根据2024年福布斯菲律宾富豪榜，快乐蜂集团主席兼创办人陈觉中(陈生)及其家族靠住呢只蜜蜂仔，排名第6，较2年前升一位，身家亦增长11.53%，达到29亿美元(约226.2亿港元)。

集团逆市“添食”唔出奇，虽则今年3月Chris局长先同陈生齐齐食炸鸡，但财库局高调地因为餐厅开业发文就有啲罕见，唔知今次两位有无顺便叹茶、叹咖啡，倾下其他嘢呢？