m18讲场：陈翊庭与恒指公司超有缘？自爆箇中原因...

香港交易所(00388)与恒生指数公司合作，首度推出指数“恒生香港交易所沪深港通中国企业指数(SCCEA)”。唔讲唔知，2位掌舵人同恒生指数甚有缘份，可以话系与恒指共同成长，下一个周年志庆或者可以做埋代言人喎！

港交所行政总裁陈翊庭(Bonnie)自爆，佢同恒生银行行政总裁施颖茵(Diana Cesar)与恒指同年诞生。不过年份呢，相信大家都知，唔洗特别提啦！

讲返新指数，佢就话，可以提供全面、权威的基准，畀投资者更多部署内地同香港市场嘅选择及机会，连接世界同中国市场。仲好有信心为本港产品生态圈加添活力，包括交易所买卖基金(ETF)。

Diana就话，新指数推出，代表住香港与内地资本市场之间不断发展嘅重要里程碑，并投资者提供捕捉中国市场增长机遇。

丝丝仲听闻，两位女掌舵人系小学同学，坐隔离位嗰只。依加就喺金融市场孖公仔报喜。至于边间学校就唔提啦，以免增加竞争。大家都知啦，学校出名人，特别抢手㗎嘛！