玻璃立立令大法

仲用報紙抹玻璃？咩年代呀？係呢個樣樣都講健康環保的年代，係時候要Update一下你的清潔方法，就等我今日醒你兩招天然抹玻璃的招數啦！

1. 酒精大法

經過沙士一疫，大家都知道酒精是消毒的好幫手，其實用嚟省靚塊玻璃一樣得！首先記得佩戴手套及口罩，然後選用75%的酒精，在酒精揮發性高的情況下，可直接倒進噴壺使用，毋須用水稀釋，直接噴在玻璃面上，然後用乾布抹拭即成！溫馨提示，留意使用噴壺時要保持距離，避免液體不慎入眼啊！

2. 白醋大法

除了酒精之外，白醋都是環保達人經常應用的「天然洗潔精」！做法好簡單，可以先用水弄濕抹布，將食用白醋直接用濕布在玻璃面上抹拭，抹到乾乾淨淨就得！有需要可倒白醋入噴壺中，咁就可以輕鬆清潔角位和轉彎位，同灰塵講Bye Bye啦！

模特兒：Rachel（Gaiety）

鳴謝：長者安居協會