鹿谷做茶女　學製凍頂烏龍

阿里山茶、日月潭名茶──這些台灣地方名茶即使大家未飲過都一定聽過！來到鹿谷凍頂，第一時間醒起的必然是凍頂烏龍！

來到茶園，所有人都需要換上採茶裝，因為花俏外衣及草帽都可以起防曬作用。導賞員先解釋凍頂烏龍主要以青心烏龍為原料，60年代茶農又用青心烏龍改良成翠玉茶葉，兩者現今仍非常流行，然後便開始採茶。

我們轉到「初鄉茶間」學製凍頂烏龍紅茶，先學用手將茶葉揉碎以加快發酵，導賞員抓一把茶葉，於竹籮上揉搓，不消20分鐘，他竟揉出汁液。幸好隨着科技進步，現已有機器代替人手揉茶，同樣20分鐘，9公斤茶葉揉捻完畢，平放發酵約3小時，再用機器烘乾茶葉便大功告成。

至於等候期間有咩搞作？當然要歎茶！大家品嘗了高山茶、金萱茶、貴妃茶、凍頂烏龍茶及炭培烏龍茶，品茶都係其次，最緊要是學會飲茶的特別技巧，大大聲飲茶，茶香便會滿布口腔之中。飲完5款茶，話咁快茶葉便烘乾完畢，當手信帶走，又食又拎好滿足。

鹿谷茶鄉體驗一日遊

地址：南投縣鹿谷鄉清水村外城巷六之一號

價錢：2人同行每位NT$2,500（約HK$628，包接送、採茶、製茶、品茶、茶罐DIY）

查詢：（886）921 710 232