南韓︰孔孝真性感演繹Suecomma Bonnie

Suecomma Bonnie被喻為韓國女生人人都想擁有的夢幻逸品鞋履，這也難怪，有追開韓劇的，都會發現劇中女角無論係窮家女抑或富貴千金，不是腳踏品牌的花俏布鞋，就是閃亮寶石高踭鞋，平凡高檔佢都有份，加上大牌女星全智賢、孔孝真、女團Miss A、T-ara等閃亮粉絲，新品一出仲唔睇到眼都唔眨咩？

Suecomma Bonnie尋晚就喺Instagram公開咗今個秋冬部分新品，而且仲係由品牌超級粉絲、身材Fit到爆嘅長腿女王孔孝真瞓身示範，3對新鞋有波鞋Heaven NO.7、紅黑拼皮高踭鞋，以及金屬色皺紋高踭鞋，風格跟孔孝真之前同品牌嘅聯乘系列Excuse Me有些少分別，少份佻脫可人，多份成熟性感，I.T同Harvey Nichols唔會唔入啩？