灣仔日街visvim F.I.L.結業

由中村世紀（Hiroki Nakamura）於2000年所創立的日本潮流品牌visvim，10多年來設計一直圍繞民族風格為主調，並融入一些日本職人工藝去創作出獨特的潮流單品，想當年冇着過FBT同Christo真係唔好話自己係潮人！2004年，visvim於日本東京開設首間專門店F.I.L. （Free International Laboratory），空間感極強並且採用自然光為主，為店舖注入一份簡約禪味，其後相繼於仙台、金澤、廣島、京都及名古屋所開設的F.I.L.，每一間裝潢都融入當地特色。

2007年5月，visvim更殺入香港於中環雲咸街開設日本以外首間海外F.I.L.（2012年10月結業），店舖面積雖然相對日本各間F.I.L.較細，但裝潢風格同出一徹，冇播音樂嘅寧靜，加上店內飄散住蠟燭香氛味，令顧客甫行入店內已完全感受到嗰份禪味。其後visvim於2011年3月，再次擴展版圖，選址灣仔日街開設第二間F.I.L.，樓高兩層空間感十足，「v仔」粉絲掃貨方便得多，但不幸係此店於上星期已靜悄悄結業，亦即係話現時香港曾經出現過的3間F.I.L.只餘下2012年12月於尖沙咀半島酒店開設的一間，但傳聞此店亦快將關門大吉，各位visvim粉絲真係要去買多兩件留念喇！