高質日製旅伴ProtecA GENIO CENTURY

雖然早就話世界大同不分你我，但實情係相信到今時今日好多人對「日本製造」四個大字都會趨之若鶩，縱然強國早已成為世界工廠，但日製單品確實係寧舍買得開心用得安心。就好似2004年創立的旅行箱品牌ProtecA，品牌名字靈感取自Protect及Technology，旗下所有設計均於日本北海道ACE工場製作，是全球唯一日本製造之旅行箱品牌，品質有絕對保證。品牌當中最受歡迎的GENIO CENTURY系列，設計採用高級牛皮配合鎂合金框架打造，復古外形輕巧同時有足夠保護性，內層更有不同間隔分層以便更整齊收納衣物，並附有日本原木製成的衣架、行李皮牌及西裝袋等配件，當中內層面料更以具抗菌及防異味的銅絲提花紋製成，內內外外設計都一絲不苟。旅行箱設計除要夠靚夠體面見人外，用落都要好拉好推先唔會阻住趕飛機，GENIO CENTURY系列就選用日本專利的靜音輪設計，有效減低拖行時的噪音，而油壓式握柄把手亦具減震功效，配合可調高度選擇，保證你買爆篋都唔怕拉到手軟，鍾意成日飛去旅行的話真係唔好慳！

27吋旅行箱（尺寸：69 x 46 x 26cm/重量：5.4kg/容量：60L）$16,800

30吋旅行箱（尺寸：76 x 54 x 27cm/重量：5.7kg/容量：85L）$17,600

查詢：2307 1166