唔識唔係男人 9個男裝底衫界低調高手
20160410
東網電視
更多新聞短片
唔識唔係男人 9個男裝底衫界低調高手
所謂「人要衣裝，佛要金裝」、「先敬羅衣後敬人」，作為一個男人，生活於大都市中每日着得靚靚仔仔咁就點都要，但好衰唔衰，香港好多自命型男嘅都係「鱷魚頭老襯底」或者「掛羊頭賣狗肉」，即係最表面嗰浸衫就巴黎High Fashion或者意大利名牌老西，誰不知底嗰浸（底衫）就不過係大Logo班衫當底衫，認真樣衰！難道你地唔知着恤衫嘅時候，會將你件底衫個大Logo/Print透視出來的嗎？好喇，就係閣下對底衫要概念和要求，但縱觀港男來來去去都就着嗰幾個品牌，平嘅都那3個Fashion Brands，貴的就「X仔嘜」同「X vin Klein」，你話如果六合彩有咁易估嘅就真係好喇！
好，其實繞咁大個圈講咁多，都係想話畀你哋知，世界上會造一流男裝底衫嘅牌子真係多的是，過百多歷史的、Handmade的、原廠由頭到腳製造的、玩Cutting、玩原汁原味的，真係乜鬼都有，差在大家平時肯唔肯花時間去搵姐！不過就算尊貴的大家懶到連上網搵都唔想搵都唔緊要，今日我地東網幫你搵埋，仲精選9個牌子添，型男們一齊入嚟昅吓吧！
Merz B. Schwanen
從對是當今世上最受低調品味男青睞的一個品牌，創自1911年，多年來都堅持All Made in Germany，哪怕細小如天然貝殼釦、腋下三角補強等等少細節，都講明要德國製造，而且所有內衣產品更規定要以古董圓筒針織機Circular Knitting Machine來製作，以這種舊織機製作出來的純棉服飾不但極之柔軟，Tee兩側的Side Seams亦可以省卻，用以提高穿着者的活動空間及伸縮度。
總之一句講晒，Merz B. Schwanen絕對是男人底衫中的王道級古董品牌。
SUNSPEL
講完德國嘢都當然不少得英國老牌吧，成立於1860年的SUNSPEL被不少人譽為「The finest English underwear」，最大的特色就是其所有服裝產品都是以Handmade製造，是故剪裁上的拿揑及細節上的處理都為列一流之境，而隨住時間的流逝，其愈加穿着所產生出來的舊化感及老味皆為一般品牌所媲美，所以SUNSPEL的底衫每每比其他品牌貴上好幾倍，係有佢原因的！
National Athletic Goods
至於北美代表則有近年冒起得極快的Vintage Inspired品牌National Athletic Goods，以30-60s美式運動服作靈感，亦適度地跟從當時的細節，如手袖位就以四本針織的方式縫紉而成，確用厚實不變形，而不同為其他基礎服品牌以白色為主色調的哲學，National Athletic Goods的Tee款產品每每以灰色作主導，當底衫還是面表着皆有型。
MOTHER-Outdoor Lifestyle 2780 0238
Homespun Knitwear
也不是一定百年老牌才必定是好貨的，2009年才創立的Homespun Knitwear就是加拿大一個新進的潛力底衫Brand（雖然對好多人來說仲係名不經傳），主攻復古以味濃的Henley shirt，將3、40s的美國服飾風味完全復活過來（當然又係用上古織機製作吧），而且有別於Merz B. Schwanen般堅持一國製造，Homespun Knitwear雖然來自加拿大，但勇於將織造高質棉紗的部分工序交由日本廠房製造，絕對是一個集加、日之大成的品牌。
Schiesser Revival
Schiesser Revival是德國（無錯！又係德國）過百年老牌Schiesser的年輕線，最大嘅特點係剪裁修身窄身得多（因此特點就是會凸點），確保用家着上去之後，一啲都唔呀叔或者似宅男，完全改寫時裝人對底衫的觀念與定義。
Velva Sheen
另一個底衫界的大哥級名牌，源自1932年美國俄亥俄州，素面純棉Pocket T-Shirt是他們底衫線中有出名和最熱賣的產品（Tee為側邊無接縫滾筒結構），堅持100%Made in USA製作，以及每個縫紉工序都要會上有最傳統最正宗的方法製造，質感舒適柔軟，耐用之極，難怪厲害到成為美國海軍陸戰隊之指定基礎服飾供應單位吧。
James Perse
相較於今次專題的其他品牌，James Perse無疑是Fashionable得多，不過從算是一個前衞時髦的品牌，也不一定等如就一定唔可以製作出靚底衫的，例如其V neck tee，就是品牌歷年來其中一款最熱賣的單品，真係唔講唔知！這款V neck tee優勝的地方除了款色眾多共有10種Color可供選擇外，以日本slubyarn（竹節紗）為衫身面料也是其一大特點，衫身柔軟順滑之餘，亦都透氣通爽，絕對是時裝精的底衫首選。
Choctaw Ridge
至於Choctaw Ridge則是一個你可以唔識，但識咗人哋一定覺得你更有品味的底衫品牌，好似這個Henley Shirt咁，用料厚實之餘，衫身更是採用Waffle Fabric所製造，講真以這種紋理極具明顯的面料製造底衫的確是買少見少了！ 而且Choctaw Ridge另一個吸引之處就是包裝非常有型，精美又Old School的紙盒着實叫人難忘，唔係點說服大家用成千蚊買件底衫先？
Nigel Cabourn
英國復古神牌Nigel Cabourn，雖然Nigel Cabourn向來最出名的產品應該在其一系列戶外用褸款，但其Basic Pocket T-Shirt也是不容忽視的品味之作，驟眼看雖然沒有什麼大不了，但內裏卻是處處有玄機，首先是肩線部分乃是採用平常少見的Freedom Sleeve無肩線設計，使到用家的活動度大增，而且胸袋上的鏤釦就用上了木質釦子，絕對起了畫龍點睛之作用，所以話Nigel Cabourn果然是Detial專家。