10個懷舊flash小遊戲 見到又想搵嚟玩
20160418
東網電視
更多新聞短片
10個懷舊flash小遊戲，你又玩過幾多個？
現在人人都用智能電話，遊戲商也開始主攻手機版遊戲。不過有時候小記也挺懷念中學初代玩的電腦Flash小遊戲，章魚燒、燒肉、比卡超打排球、小朋友齊打架，梗有一樣你會玩過！就好似章魚燒遊戲，小記曾經最高峰玩咗3個小時就係到滾粒章魚丸，飯都未敢食。咩話？你話無聊？呢啲叫青春呀！為咗回顧呢啲咁無聊嘅青春，小記就找來10代表性的Flash小遊戲，諗返起自己以為咁無聊之餘，又真係幾想搵返嚟玩喔！
《比卡超打排球》
玩比卡超打排球，相信唔少人同我嘅目的一樣，主要都係為咗多幾次比卡超殺球時的「比卡比卡」萌聲！
《打磚塊》
充滿紅白樹風格的遊戲，應該是那時候的Kill time好幫手，亦都證明咗只要遊戲本身好玩，畫面並唔係最重要！
《燒肉》
第一次考驗到自己Multi-Tasking嘅能力，又要燒肉、又要翻肉，仲要喺燒焦之前食，堅有難度，同埋玩完好肚餓。
《小朋友齊打交》
80、90後有哪一個沒有玩過？老老實實，人哋上年整嗰一隻手機版本，有無支持先？
《章魚燒》
小記睇唔透，真不明白自己以前為甚麼可以花個3個小時，一直玩這個章魚燒遊戲，可能，這就是青春吧。
《香港茶餐廳》
茶記夠晒香港風格，配合馬仔的靚靚公仔，玩起上嚟特別投入！
《敲高跟鞋》
敲高跟鞋遊戲講求速度，而且要好好掌握節握，慢慢加快，否則就會好易令客人腳痛，但小記玩完就好頭痛。
《貓狗大戰》
超治愈嘅遊戲，讀書時女同學必玩！（男同學都要玩，如果唔係無話題。）
《MM化妝師》
咳咳......小記的化妝技巧應該是在這裏學到的，所以到現在也依然不懂化妝呀......
《辦公室偷情》
呢個都算係經典之一，題材夠晒騎呢，一邊返工一邊錫錫，仲要睇住老闆會唔會突然轉頭，好激呀！真係滿足了又要驚，又要偷的心情。