生活小百科：超易上手！粗鹽清潔去漬五大法

20160420
  • 東網電視
    更多新聞短片
    粗鹽除咗食，仲係天然清潔劑！
    粗鹽可以做咩？鹽焗雞定係秋刀魚？其實除了整嘢食，作為海水天然結晶的粗鹽在清潔方面更有莫大用處！粗鹽既可以殺菌，又可以防腐，簡直係天然清潔劑！想知有咩用法？即睇！
    以後大家都知道，粗鹽除了食，原來仲是污漬殺手！「漬」管放馬過來啦！
    第一式：乾洗公仔
    「烏卒卒，好似好似一隻黑蟋蟀」公仔變黑蟋蟀，以後點攬？為了省錢唔想拿到樓下乾洗，可以點做？只要一包粗鹽，就可以幫到你！
    粗鹽的顆粒不但有磨砂作用，將公仔的灰塵磨走；而且可以防潮，公仔以後就不會容易發霉啦！
    材料：膠袋，公仔，粗鹽
    步驟：
    1.將公仔放入膠袋
    2.把粗鹽倒入去
    3.封實塑膠袋的開口
    4.上下左右搖動塑膠袋，大約五分鐘。
    5.打開膠袋，拿出毛公仔，將公仔表面的粗鹽掃走，大功告成！
    第二式：去茶杯咖啡漬
    作為咖啡迷杯有咖啡漬是常識吧！好彩我識去粗鹽去漬法！記住要保持乾燥的狀態，因為乾燥的粗鹽有磨砂效果，可以將漬從茶杯刮出來！
    材料：粗鹽、清水、抹布
    步驟：
    1. 將粗鹽倒入杯中
    2. 之後針對有漬的地方用力搓
    3. 慢慢看到粗鹽變成深色
    4. 同時杯內咖啡漬也會慢慢變淡
    5. 持續直到咖啡漬完全清除掉為止
    第三式：去鍋漬！
    「漬漬」復「漬漬」，煮飯當有「漬」。有時煮過頭，令個鍋變成黑面神！其實只要用粗鹽同熱水，就可以去「漬」你都識！
    材料：粗鹽、清水、百潔布
    步驟：
    1. 首先將熱水倒入鍋中，直到約1CM水位。
    2. 之後倒一碗粗鹽入去，再搞勻。
    3. 粗鹽同熱水混合後，等它在鍋內靜置15分鐘
    4. 鍋底的焦會慢慢脫落，最後再刷一下就乾淨哂！
    第四式：砧板去腥殺菌
    平日砧板處理生熟食物，日積月累了腥味。點先可以徹底清潔到，之後食得更安心？
    洗完砧板氣味Fresh晒，去腥味之餘又殺菌！
    材料：粗鹽、清水
    步驟：
    1. 將砧板濕水
    2. 將粗鹽灑到砧板上，用力磨擦，持續大約3分鐘
    3. 粗鹽既可以磨走表面污漬，又可以吸走異味
    4. 最後用清水沖乾淨
    第五式：去餐具銹漬！
    鐵餐具用耐咗，點都會有銹漬。但只要用粗鹽同清水浸，就可以回復光潔！
    材料：粗鹽、清水、布
    步驟：
    1. 準備一杯清水
    2. 之後再將粗鹽倒入去，將兩者混合
    3. 再將餐具放入去，「醃」大約半小時
    4. 最後用布捽去銹漬，鐵餐具就可以光潔如新！