低至半價！母親節自助餐早鳥訂枱優惠大集合

一做媽媽，每年人生就有兩個大日子，第一係子女嘅生日（自己幾時生日？唔記得啦），第二就係世界共通嘅「媽媽日」母親節。冇計啦，對好多母親而言，子女一出世，佢哋就係世界嘅全部，咩結婚周年紀念、拍拖周年紀念呢啲「雞毛鴨蒜」嘅事，一早就拋諸腦後喇，所以話母愛係幾偉大呢！大時大節，做子女嘅梗要識做氹媽媽開心啦，帶佢去食番餐好嘅就梗㗎啦！但如果唔想畀餐廳劏到一頸血，望望以下3間嚴選出嚟嘅至抵母親節自助餐早鳥訂枱優惠，今個母親節，荷包輕鬆啲，媽媽又開心，正呀喂！

1.富豪九龍酒店 7折海鮮自助晚餐

九龍尖沙咀雅廊咖啡室的「龍蝦‧虎蝦大匯演」用虎蝦同龍蝦做主題，重點推介有任食開邊凍波士頓龍蝦、芝士焗虎蝦、越式大虎蝦，款款啖啖肉，鮮味彈牙。另外，仲有矜貴美食好似鵝肝、海鮮凍盤、油甘魚壽司、帶子壽司及各式刺身，甜點專櫃仲有超過30款特色甜品，蘋果柚子忌廉撻、紫薯芝士蛋糕、橙酒法式燉蛋等，媽媽實甜到入心。

價錢：成人HK$618、小童HK$398

優惠1：凡於5月3日或之前，於富豪九龍酒店網頁（http://www.regalhotel.com ）Download優惠券預訂並繳付全費，即有7折優惠。

優惠2：凡預訂5月7至8日之自助午餐/晚餐，每節首50位母親可即場享用Crabtree & Evelyn手部護理及獲贈精選禮品乙份。

優惠3：惠顧自助晚餐的每位媽媽，可獲贈木瓜燉燕窩一客及康乃馨一支。

2. 九龍東皇冠假日酒店 節日前夕母親半價

位於新界將軍澳的尚廚，其「春蠔‧花嚐」自助餐以花入饌，配搭海鮮帶出獨特嘅溫馨滋味，每晚輪流供應6款特色凍海鮮冷盤，好似即開生蠔配蘆薈咯嗲汁、加菲蟹配甘菊花西班牙凍湯、小龍蝦配檸檬薑及薰衣草汁、翡翠螺配乾葱醋汁等，好味又回本，啱晒知慳識儉嘅媽媽。

價錢：自助晚餐成人HK$518、長者HK$428、小童HK$378

　　　自助午餐成人HK$298、長者HK$248、小童HK$228

優惠1：與兩位付全費的客人惠顧母親節前夕（5月7日）自助午餐或自助晚餐及於4月30日前全數預付，一位母親可享5折半價優惠。

優惠2：每位付全費之成人或長者可攜同一位6歲以下小童免費享用自助午餐或自助晚餐。（需出示身份證明文件作實）

優惠3：凡惠顧母親節前夕及母親節（5月7至8日）自助午餐或自助晚餐，每位母親均可獲贈VICHY溫泉礦物補濕體驗套裝，每位客人亦可獲贈燕窩楊枝甘露一客。

3. 皇家太平洋酒店 65折滋潤養顏自助晚餐

九龍尖沙咀皇家太平洋酒店的柏景餐廳自助晚餐以新鮮海鮮入饌，除又鮮又甜嘅鱈場蟹腳，大廚亦自創出香草魚湯浸塔斯馬尼亞三文魚、慢煮龍脷柳釀龍蝦慕絲等菜式，仲有惹味嘅芝士焗龍蝦，鍾意食海鮮嘅媽媽不容錯過。另仲有一系列健康有「營」嘅美食，好似凍紅菜頭湯伴鮮蟹肉、有機南瓜慕絲吞拿魚沙律杯等等，講到尾，媽媽身體健康最緊要。

價錢：成人HK$598、小童HK$398

優惠1：兩日前預訂並全數付款，可享65折優惠。

優惠2：經網上預訂，媽媽可獲贈CANVAS禮品套裝乙套（價值HK$480），名額有限，先到先得。

優惠3：惠顧自助晚餐的每位媽媽，可獲贈花膠鮮奶燉蛋白一客，矜貴美顏。