【台灣都市傳說】綠色乖乖　為電腦護航？

電子呢家嘢小記我真係識條鐵咩，見到部機Hang Hang哋咪拍吓佢，好似以前吹一吹卡帶咁囉，唔知有冇用㗎，心理上Work囉。不過估唔到台灣IT界流傳只要放一包綠色乖乖（一種地道餅乾點心，椰子味）喺主機旁，竟可以令電腦主機乖乖運作不Hang機？據講仲一定要用綠色，因為綠燈代表主機穩定，黃色就係警告、而紅色就係收咗檔。聽落好唔科學，不過聽講實際上好多人都體驗過綠色乖乖嘅神奇力量！其實電子嘢好多都係機率問題，既然原因不明無法解釋，唔少人都抱住「寧可信其有」嘅心態，甚至有人解釋為量子力學嘅一種！計我話，要科學啲實驗就要全面啲，應該放啲紅色乖乖（朱古力味）喺主機旁試試先係㗎嘛！