手機睇Netflix 數據流量自己揀
20160506
東網電視
更多新聞短片
以後用手機睇Netflix劇集都可自定流量！
唔少朋友都會用手機睇片煲劇，一唔留神好易會用晒數據流量，好似Netflix今日就在流動應用程式上加入新數據控制功能，煲劇都可以量力而為。只要更新到最新版本的Netflix應用程式，就可在「App設定」內揀選「行動數據用量」，當中有「關閉（只限Wi-Fi）」、「低」、「中」、「高」及「無限」選擇，而預設是「自動設定」。以1GB數據流量計算，可睇到約1小時「高」質素影片串流，或約2小時「中」質素影片串流，又或者是約4小時「低」影片串流。至於效果方面，「低」質素畫面效果明顯起格及較朦，，而「中」質素則較為可接受，當然亦及唔上「高」的HD畫面質素，至於點揀就睇大家有幾多手機數據流量可以用啦！
不過小記建議最好都係在有Wi-Fi接收的地方先至睇劇啦，例如好似《新世紀福爾摩斯》（《Sherlock》）第1至3季、《葛蕾絲及法蘭琪》（《Grace and Frankie》）第1季（另第2季今日首播）同《主廚的餐桌》（《Chef's Table》）第1季，都幾適合今個星期日母親節同媽咪一齊睇！