超多杧果！十幾款甜品食到你夠

好熱呀！呢幾日天氣真係熱到喊出嚟，搞到食欲麻麻地。不過嚟到夏天，係杧果當做嘅季節，見到又黃又甜嘅果肉，真係咩胃口都返晒嚟。city'super旗下嘅sweets house Cha Cha、Patisserie Yamakawa、Little Mermaid同LOG-ON Café等幾個品牌，最近都推出咗杧果甜品迎接夏天，加加埋埋有成十幾款咁多，睇到杧果迷心大心細，花多眼亂。最搶眼嘅係有成28cm長嘅杧果慕絲海綿蛋糕，仲有杧果芝士撻，上面啲杧果粒勁澎湃，兩款都係Patisserie Yamakawa有得賣。如果想消暑嘅話我就推介sweets house Cha Cha嘅北海道牛奶杧果芭菲杯同北海道牛奶杧果軟雪糕，食完涼浸浸，爽呀！