端午必試　超另類變「糉」特工

端午節話咁快就到，傳統端陽糉離不開鹹蛋黃、五花腩又或是梘水蓮蓉等配料，想在今年搞搞新意，吃個反傳統糉子應節的話，另類新品糉的選擇也不少，當中更不乏新奇古怪又有創意的口味。小記建議入貨前不妨先參考一下以下簡介，包保大家吃得過癮又滋味。

不時推出創新食品的稻香集團，今年新推的「五福糉」，一盒裏面有5種口味，包括豆豉鯪魚、咖喱鹹肉、紫菜肉鬆、眉豆花生及傳統鹹肉糉，當中最破格的就非豆豉鯪魚糉莫屬。糯米包住罐頭豆豉鯪魚做主要食材，入口好像豆豉鯪魚撈飯，味道鹹香，但始終覺得將豆豉鯪魚來配糯米有點「騎呢」。

而位於九龍土瓜灣的8度海逸酒店，今年就以大閘蟹粉做餡料的蟹粉香肉糉作招徠，大廚選用大閘蟹的蟹膏及蟹肉，以秘製方法炮製成自家蟹粉，配以五香肉及開邊綠豆為主要食材，入口不但有肉香還有蟹粉的濃郁香味，味道比想像中夾。

旺角帝京酒店帝京軒最新研發的新口味，將矜貴但味道未必人人受落的黑松露，加上芝士、龍蝦炮製成餡料，打開糉葉已傳來陣陣黑松露氣味，雖然真材實料，但如果閣下抗拒黑松露的話就要留意喇！

同樣由帝京軒師傅自家研製的最新味道，師傅將由韓國直送到港的泡菜，捲着澳洲和牛變成糉子餡料，糯米吸收了泡菜的醬汁及和牛的肉汁，啖啖都香辣惹味又有豐富和牛油脂的香味。

奇華餅家今年新推的健康糉，食材包括近年大熱的Super Food藜麥及自家製肉鬆。打開糉葉就看到紅藜麥均勻地與糯米混合，肉鬆則不規則地分布在糉身。肉鬆與藜麥的味道稍嫌不是太夾，如果將肉鬆改為其他如粟米、紅豆等，口感會更豐富。