韓國食品節　齊食養生泡菜

一講起食韓國嘢你會諗起咩？炸雞？燒肉？還是芝士拉麵？其實於韓國傳統料理中，養生都係重要一環，只係喺大熱嘅新派韓食之下略見失色。不過city'super最近就搞緊個韓國食品節，即日到6月15日去各分店就可以同時食到創新同傳統嘅韓國美食，哈韓一族係時候加深對韓國美食嘅認識喇！今次食品節，最猛當然係搵到泡菜第一人金順子女士親自開班，同時推出旗下漢盛食品公司推出嘅各種即食泡菜食品，有一粒粒嘅香辣泡菜卷、爽脆嘅蘿蔔泡菜粒、成棵白菜泡菜，同埋芥菜泡菜等新產品，整泡菜整到有專利，認真架勢！除咗泡菜，仲有人參拉麵、韓國米酒等都一應俱全，呢幾日入多啲貨，想食到住家韓菜真係話都冇咁易。