今晚打老虎！為食記者 VS 大胃王咖喱飯

東網一眾同事見為食記者Foxy平日咁為食，最近就推咗佢去挑戰香港銅鑼灣邊寧頓街Tiger Curry最新推出嘅Sumo-San相撲手大胃王咖喱飯（其實佢不知幾想），聽聞個飯分量認真嚇死人，有4隻神級炒滑蛋、3條烤肉腸、3粒吉列豬肉彈、2塊吉列豬扒、2塊日式漢堡扒，再加埋4倍飯量同埋雙倍咖喱汁，要喺30分鐘內食完，否則就要畀番「抵食價」HK$298+10%，即係足足HK$328，但如果挑戰成功，個飯就係完全免費！相信要頂到3日肚餓都冇問題呀！

到底呢個係咪一個不可能嘅任務呢？到底「為食記者」可唔可以搖身一變成為相撲手「大食記者」，打贏Tiger Curry呢隻老虎呢？如果你都心郁郁想挑戰，不妨睇完片先再決定啦！