五招YouTube秘技　睇片播歌爽丫丫

咩係YouTube應該唔需要多講，大家經常去睇片、聽歌都係靠晒佢，之不過就算你日日用，都未必知道以下的五招YouTube秘技，你估唔到YouTube可以循環播歌、下載音效等等，最正可以Block晒麻煩的廣告。

下載插件阻擋YouTube廣告

睇YouTube片最煩人莫過於播片前，要逼你睇十秒八秒廣告，雖然部分在幾秒後就能略過廣告，不過有得揀真連係連幾秒鐘都唔想等。其實大家真係有得揀，只要下載Google Chrome瀏覽器中的插值軟件「Adblock for YouTube」，安裝後就唔要睇幾秒廣告，下面亦都唔會彈出煩人的小廣告騷擾你，可以爽丫丫去片。記住要係用緊Chrome瀏覽器先得，假如你仲用緊IE或Firefox等瀏覽器就幫你唔到。

6個快捷鍵

用YouTube睇片時，十個有九個都係用隻滑鼠Click來Click去，事實上用快捷鍵就可以做得更快，包括按「F」會進入全屏幕狀態；按「M」做到靜音效果；按「K」會在影片中暫停/播放；至於按「J」就會快進10秒，還有按「L」就係後退10秒；最後按「0」數字會回到影片的開始重新播放。只要熟習了以快捷鍵，就唔需要再靠滑鼠。

加「allintitle:」 100%搜尋指定關鍵字

用YouTube搵影片，最基本都係需入關鍵字，之不過好多時搵出來的結果，未必是你想要的影片，事關只要標題內擁有類近關鍵字的影片，YouTube都會一齊搵埋畀你。如果想要確切地搵到特指定關鍵，只要在搜索欄輸入「allintitle:」，再輸入關鍵字，就可以搵到完全符合關鍵字的影片。小記就試過去搵「板野友美10年後的你」字句，使用前就出了1,950個結果後，使用「allintitle:」後就確實搵到想要的1個結果，方便又快捷得多。

Right Click無限Loop聽歌

唔少人都喜歡一邊工作，一邊用YouTube中無限Loop片聽歌，以往要做到呢個步驟的話，都可能會網址連結的「youtube」與「.」中間，輸入「Repeat」字眼，事實上就唔需要咁麻煩，只要在影片中Right Click滑鼠，就會彈出一個灰色視窗，再點選上面的「循環播放」，見到有剔號即係開啟。小記試播黎明的《如果可以再見你》，實試後就可以狂聽呢首歌啦。

免費下載音效

網上流傳唔少方法去下載YouTube音樂和影片，不過絕大部分都屬於非法下載，其實YouTube都有一個畀你合法兼免費下載音效的地方，就是YouTube自家的音樂庫。音樂庫的作用主要是提供音樂和音效，畀YouTuber動手剪片的音樂資源，所以無需付費，都能夠下載並使用部分320kbps的高品質音軌及音效。音樂庫唔係所有歌曲或音效都有，幾乎全部都是樂器聲效，不過類型和樂器種類都相當豐富。

YouTube音樂庫網址：http://www.youtube.com/audiolibrary/music