邊隻小精靈扮比卡超咁搞笑？

呢排大家都沉醉喺《Pokémon GO》遊戲中，其實好玩嘢陸續有嚟！日本橫濱《比卡超節》早兩日已經開始咗，直到8月16日先結束，當中好多精彩環節都十分吸睛！其中有個巡遊環節出現咗隻「貌似」比卡超嘅小精靈公仔，有唔熟《寵物小精靈》嘅朋友就問：「咦？點解比卡超對眼細隻咗咁多嘅？」睇真啲連個嘴仔都變成咗一條線，表情變得更加「戇直」，十分搞笑！其實呢隻比卡超係由百變怪變出嚟，所以表情有晒佢嘅「兩點一線」影子！有網友笑言百變怪化身的小精靈成隻「山寨版」咁樣，可能會令小朋友以為偶像整咗容呢！