型到出晒面 潮襯Alpha Bounce

20160928
東網電視
更多新聞短片
Alpha Bounce唔只適合慢跑,平時襯衫出街亦都咁Fit。
近年嚟運動風大熱,鍾意跑步、健身、做瑜伽嘅朋友,總有一個喺左近,原因除咗可以吸收正能量,更要多得運動品牌推波助瀾,唔只不斷提升運動產品嘅功能設計,仲愈嚟愈講究外觀,令到做運動不但有益,更加變成一件好型、好潮嘅事,最新例子就有adidas Alpha Bounce。
主流跑鞋由內到外都好重功能色彩,練跑當然多多益善,不過着出街似乎Over咗,Alpha Bounce嘅獨特之處,就係外觀唔會過分Functional,反而似Lifestyle波鞋多啲,首先輪廓上與Yeezy有幾分相似,而且無縫Forgedmesh鞋面,展現流線美與前衞形象,至於鞋身兩側嘅鯊魚鰓立體紋理,令到一體成形嘅鞋身別具立體感。身為adidas Runners HK一分子Inez,以模特兒嘅審美角度,建議絲打用Alpha Bounce襯Legging,簡簡單單已經好好睇。
有外在美之餘,Alpha Bounce未忘身為慢跑鞋嘅初衷,功能方面交足貨,例如Forgedmesh鞋身唔只有型,而且輕量化、彈性高,至於立體鯊魚鰓紋理,仲可以隨住步伐變化調整鞋面延伸度,落地、起步都保持貼腳。Bounce中底係以改良版EVA製成,緩震能力更勝傳統物料,與Inez同為adidas Runners HK,亦都齊齊出戰柏林馬拉松嘅「楊Sir」楊肇麟,直話直說有此評價:「喺功能上,Alpha Bounce未至於超強級數,但係佢嘅保護能力已經足夠日常慢跑使用,鞋底唔會太軟,慢跑、Cross Training及熱身都好適合,而且我覺得鞋楦尺寸好Fit,長時間着住都幾舒服。」如果你心思思想跑步,又未想咁大投資住,希望先搵一款既跑得,平時襯衫出街亦得嘅入門慢跑鞋,依家唔難揀吖!
查詢:2730 0157