自訂個人化腕錶 獨一無二

20161010
東網電視
更多新聞短片
Undone自訂腕錶有多個不同Parts可以自由選擇,而錶底蓋更可以選擇刻上字句或者直接上載圖片成為獨一無二設計。
在急促的大都市下,每個人都過着相近的生活模式,要識別你我大概只能從衣着品味作出區分。當波鞋西裝手袋全部都可以按個人喜好訂造時,手上腕錶都應該是展示個人品味的終極戰場。講緊嘅唔係幾千萬一隻錶面鋪滿鑽石嗰種Customize Jewelry Watch,而係你我都負擔得起,但由錶殼、錶帶、錶面、指針甚至機芯都可以隨個人喜好自由挑選的Customize Watch,美國獨立腕錶品牌Undone的出現,就正好滿足凡夫俗子同樣想追求獨一無二的個人主義。
剛剛出道不久的腕錶品牌Undone打正旗號以個人化Customize腕錶設計去攻佔市場,你以為自訂腕錶都係轉吓錶面顏色同換吓錶帶咁簡單?Undone收得你咁嘅價錢(US$430起)質素當然有番咁上下,就好似錶圈方面就分別有陶瓷(4款顏色)及K1玻璃(11款顏色)兩款選擇,不銹鋼錶殼更有多款不同配色選擇,部分更加入PVD Coating塗層處理,可以造出碳黑、黃金以及玫瑰金等高貴質感,而錶面亦採用高級腕錶常用的藍寶石玻璃打造。其他如錶盤、指針及錶帶等不同細節亦可按個人心水訂製,當中Carbon Fibre錶盤和SuperLuminova指針更可以話係扮靚錶必備;而錶帶亦有多種皮革、帆布及膠帶選擇,機芯方面則搭戴Seiko NH-35A自動機芯,動力儲存約40小時,以呢個價錢嚟講可以有上述咁多機能,性價比真係相當高。由於可以自訂的組合變化真係有N咁多個,所以如果閣下唔係專業腕錶設計師的話,要有心理準備,訂製一隻合水心設計隨時玩你三五七日,想要隻獨一無二品味腕錶,時間同耐性缺一不可!