耗材換到窮？學懂5招 打印機保養省錢法
20161018
東網電視
更多新聞短片
耗材換到窮？學懂5招 打印機保養省錢法
身為學生哥嘅你，或者家有小朋友嘅小家庭，一部噴墨打印機鎮宅是常識吧。雖知而家買一部家用Inkjet只需幾百蚊，但耗材售價往往相等於機價嘅三分之一，如果胡亂使用搞到浪費耗材，甚至整壞部機，條數計落都幾和味！所以學懂以下5招，令噴墨打印機更耐用，更具成本效益啦。
1. 切勿經常拆開墨盒
家用打印機一般採用黑白和三色雙墨盒連噴咀設計，在沒使用的狀態下都有封條包覆，一般保存應擺放在陰涼處。但如果一旦開封使用就切忌不要隨便拆下取出，因為墨盒在墨匣內能保護噴咀。就算情非得已真係要取出來，都要有一個密實盒讓其直立保存，以減低墨水蒸發或變質風險。
2. 每月至少打印一兩次
長時間閒置打印機有可能導致墨匣內墨水變乾，或出現噴咀堵塞問題。故此想保持最佳打印狀態，每月至少開機一兩次，讓其暖機並列印幾張文件。
3. 集中打印量
由於每次啟動噴墨打印機進行列印時，機身都會先執行初始程序包括清洗打印頭和輸送充墨，過程中會消耗墨水。所以建議大家集中打印文件，而非短時間內頻繁地開關機，這樣會減低噴咀負擔，同時節省墨水。
4. 印前先排版預覽
不想造成浪費紙張空間，不妨在打印黑白文件之前將其排版並預覽，例如活用文字間距或取消頁眉/頁腳設定，再於列印前設定一張紙的打印頁面數量，以善用空間。至於打印相片，無邊框打印雖然美麗，但代價是多餘的墨水會延伸到紙外造成浪費，故此盡量使用有邊框的打印方式。
5. 採用原廠耗材
老套都要講一句，雖然坊間會為打印機提供售價經濟的代用墨水和紙張，但質量參差容易弄壞打印機。成份不佳的墨水會影響打印質量，甚至弄損噴咀；而過硬或發潮變軟的紙張，亦會引起卡紙問題。一旦因此報銷打印機，廠商更會拒絕保養，可謂得不償失。