【日本】爆篋都要買！藥粧店必買七大好物

東網電視

網上有日本達人就集結咗7樣最強嘅必買手信，仲唔快啲Mark低！

嚟到日本，去藥粧店是常識吧！不過藥粧店裏面有咁多產品，件件都買個篋又裝唔晒，咁點算好？要買，當然要買得最精最好啦，網上有日本達人就集結咗7樣最強嘅必買手信，仲唔快啲Mark低！

1. Excel 三合一眉筆（Loft限定版）

嚟到藥粧店，當然要買啲香港唔會有嘅嘢啦！呢支日本彩妝品牌Exce嘅「三合一眉筆」就一定要大手購入！呢一支眉筆竟然集眉筆、眉粉、眉梳等三種設計，相當方便，而且價錢唔貴，性價比極高！

2. K-Palette 1 DAY TATTOO眼線液（愛麗絲限定款）

鍾意迪士尼童話故事系列嘅妹豬就唔好錯過啦！呢款K-Palette同愛麗絲crossove嘅限定款眼線液，能夠24小時防水、防暈，而且個外形咁靚，出街化妝都唔怕核突，而且好多日本妹豬都一樣鍾意買！

3. 艾杜紗彩繪指甲蠟筆套裝

好多少女都好鍾意整彩繪指甲，呢款用紅、藍、白三色為主打嘅彩繪指甲蠟筆套裝就啱晒啦！只要係指甲上隨心所欲畫上鍾意嘅圖案，之後再搽上透明指甲油就完成。下次係見到藥粧店見到，記得唔錯過！

4. 曼秀雷敦指甲營養修護霜

指甲好乾燥、甩皮嘅朋友就記得要買呢隻由日本曼秀雷敦推出嘅手部護理「Hand Veil」系列，其中Rich Nail指甲營養修護霜，質地偏向乳液狀又唔會痴立立，係office用就啱晒！

5. Saborino 60秒早安面膜

呢款早安面膜集「清潔+保養+保濕打底」三合一功能，起身即刻敷一片，拎返落嚟就可以即刻化妝，令妝容更胋服！而且有柑橘、薄荷葡萄柚、保濕度嘅石榴果三隻味道，款款都咁Refresh！

6. BCL HAPPY FESTA 涼感噴霧

有時出街個頭污糟但又洗唔到頭？咁呢款BCL HAPPY FESTA推出嘅涼感噴霧就啱晒！唔單只可以噴身，仲可以噴埋頭皮頭髮，可以降溫只餘仲可以輕微消臭，夏天做運動就啱晒！

7.Steamcream愛麗絲、小魚仙限定款式

又一樣係愛麗絲，呢款Steamcream蒸氣乳霜鐵盒包裝真係超靚！除咗愛麗絲、仲有小魚仙，好似仲會陸續有其他迪士尼人物出現，千祈唔好錯過！

on.cc東網