周末好去處：小熊陪你過愛心溫暖聖誕

仲有一個月多啲就聖誕啦！小朋友想送啲咩爸爸媽媽？與其嘥錢買嘢，不如做吓慈善或者自己動手動腳整仲有心思啦！但究竟做啲咩好呢？不如學吓慈善團體「編織天使」幫「小熊學校」Jackie同朋友仔織吓冷衫、頸巾同聖誕帽！由即日起只要到恒基兆業旗下特定商場，就可以近距離跟小熊學校嘅朋友仔見面！但如果好想睇4米高嘅Jackie就得屯門時代廣場先有，除咗型熊仔，仲可以坐係小熊家族環抱嘅閃光鹿車，暢遊冰雪天地！另外展出嗰50隻小熊更加會作慈善拍賣籌款，善款將用於協助獨居老人及社區弱勢社群，場內亦設置收集箱，大家可捐贈毛衣、冷帽及頸巾等衣物，並轉贈至有需要人士，滿載暖暖心意，咁樣同爸爸媽媽過一個咁有愛心嘅聖誕，會唔會更有意義？

《小熊學校．冬日聖誕奇「織」》

日期︰2016年11月5日至2017年1月2日

時間︰早上10時至晚上10時

地點︰沙田中心、沙田廣場、屯門時代廣場、粉嶺中心、粉嶺花都廣場及粉嶺牽晴間購物廣場