操肌都飲得　大隻佬奶粉特飲

日操夜操練到成身肌肉，又有令人羡慕的六舊腹肌、人魚線、馬甲線，做完運動即刻飲果汁食蛋糕？絕對無可能！然而世事無絕對，位於干諾道西香港商業中心的Warrior Academy就有別於一般健身中心，當大家都以為食甜品飲果汁是健身大敵，老闆Ricky竟然將Muay Thai、Gym與Cafe三合一，除了健康沙律餐、咖啡、紅茶之外，仲有果汁與甜品供應。點解有這樣的配搭？原來Ricky想話畀大家知經常做運動的人一樣可以食甜品，大前提是要用低熱量健康食材製作，因此這兒供應的都是無麩質甜點，全部以椰油椰糖代替牛油和蔗糖，不含防腐劑及香料，做完運動即刻開餐亦不用擔心前功盡廢。而最特別的地方是部分Smoothies特飲竟然用俗稱「大隻佬奶粉」的健身蛋白奶粉調製，比飲到悶的奶粉好飲得多，簡直是大隻佬至愛。