巡舖：男士「髮」源地　張梁記　

近兩、三年男裝界興起油頭文化（Pompadour Hair），個個男士都鍾意走去Barber Shop「Fade」個靚髮（我哋成日講飛髮飛髮，當中個「飛」字其實就係「Fade」，意思係兩側剷青部分），有人可能覺得今季呢股油頭熱潮已經不再，但首先你要知道去Barber Shop剪油頭於外國人眼中根本就係平常不過嘅事情，絕無所謂興定唔興，只有你喜歡與否之分。正如於今年正式以實體店開業的髮油及男士用品專門店張梁記（Cheung Leung Kee）主理人之一Gary Cheung所講，到現時仍會剪油頭的男士，必定對此文化相當熟悉，自然會對所用的髮油用品有所要求，正正因為呢個原因，所以令他與拍檔Billy Leung萌生開設專門店發售各式各樣與油頭文化相關的產品。

是次《東網生活》就走入隱藏於觀塘廠廈之內的張梁記，同讀者們介紹各種同油頭文化相關的男士專用髮油用品，由最多人追捧的「豬仔」（REUZEL）、「骷髏頭」（SUAVECITO）、Prospectors、O’DOUDS、日本COOL GREASE及馬來西亞「江獸」（GONZO）等不同產地的髮油去到英國品牌KENT、MAN COMB摺梳以及美國品牌Parker一系列剃鬚用品都一一同你介紹，等你更清楚認識各款油頭用品的不同用途，做番個內外兼顧的品味男士。

查詢：6643 3702