西貢廟會　為食兄妹掃街直擊

為慶祝西貢天后關帝古廟建廟百周年慶典，由即日起至11月22日，在西貢街市對出的宜春街及普通道交界舉行廟會。現場除了有道教儀式和粵劇欣賞，當然不少得掃街小食。場內共有34檔小食檔，當中由意粉、串燒、手抓餅，到砵仔糕、手工雪條和泰國梳打都有，一應俱全。「餓底」想一睹屬二級歷史建築的天后宮（天后古廟）及協天宮（關帝古廟），又想掃街，那可以在廟會舉行期間到場，約下午一時就會陸續開始營業，並於晚上11時15分完結，下午3時來到就不怕吃不齊了。

必食之選

砵仔糕 HK$15／半打

來到廟會怎能錯過傳統小食，不過這檔的砵仔糕特別在於其多款味道。一口Size的砵仔糕是香港製造，一共有12種味道，當中最特別有人氣的榴槤味和綠茶味，另外杞子桂花、楊枝甘露和椰汁西米糕味道清甜，賣相美觀。而且是即叫即從砵仔取出，夠地道！

熟食推介

泰式鮮奶串燒 HK$30／2串

串燒都用得上鮮奶？沒錯，老闆醃豬肉串燒的時候加入鮮奶，讓其肉質更滑，加上特製泰式醬，令豬肉串添上甜、酸和辣的味道，更加惹味，而怕辣的朋友就可以選擇沙茶醬。

紫薯手抓餅 HK$40

手抓餅在小食檔出現都不算出奇，但有紫薯手抓餅就真的是驚喜啊！手抓餅來自台灣，即叫即製，傳來陣陣紫薯香，不過吃起來就不太覺。一份可從芝士、火腿、煙肉、粟米和肉鬆中，選2款配料，即時食要小心燙啊！

地中海松露芝士大啡菇 HK$20

多汁大啡菇加上Mozzarella Cheese和Cheddar Cheese，既有拉絲和濃郁的芝士味，又有清新的菇汁平衡膩感，邊行邊食又方便！再噴上克羅地亞黑松露油，香氣誘人！

芝士帶子煙肉意粉 HK$35

喜歡重口味又食極唔飽的朋友，不妨試試這個用上4種芝士炮製的帶子煙肉意粉。先以Blue Cheese、Cheddar Cheese、Parmesan Cheese和Marcellin Cheese製成的醬汁炒意粉，再放進價值過萬的24個月Parmesan Cheese再炒，味道非常濃郁。

流心芝士蟹柳玉子燒 HK$38

在廟會老是常出現的玉子燒是大家熱捧的掃街小食，皆因其玉子燒相當足料。用上Mozzerella芝士，加上蟹柳，趁熱食的時候芝士會流心，啱晒芝士控！而且大大份，夠抵食！

甜品之選

手工鮮果雪條 HK$25

逼得耐覺得熱，有手工鮮果雪條食，士多啤梨、荔枝、奇異果和藍蝶花雪梨口味，每條都有鮮果肉片，口感十足又夠Fresh！

飲品精選

泰式梳打 HK$40

雖然是廟會，但飲品製作認真，用來自泰國的玻璃樽梳打水，貪佢比罐裝的夠氣。這裏有11種味道，如水蜜桃、菠蘿及荔枝等味道。如果你有選擇困難症，這裏就有選擇困難梳打，老闆會混合味道給你，那你就不必頭痕了，很貼心呢！