實測Climaheat 三間VR雪地挑戰

20161119
東網電視
更多新聞短片
今期藉《堅離地》吸納咗唔少粉絲嘅陳詩欣(Eunice),自言怕冷得很,不過着住Climaheat入到大風吹嘅遊戲室,試玩過後嘅Comment唔係「好凍」,而係「好熱」!(圖片由adidas HK提供)

VR Game唔只可以打喪屍,仲可以用嚟試衫?天文台都預計氣溫將會明顯下降,adidas嘅全新Climaheat運動服系列亦已上架,為咗令大家「生動」感受Climaheat到底有幾保暖,adidas銅鑼灣專門店現正舉行Climaheat Snow Run VR遊戲活動。但凡身高超過140cm嘅朋友,可以試着Climaheat服飾,喺虛擬嘅冰天雪地街景之中接受體能考驗,唔只要跑得快,想高分嘅話,沿途仲要執起水樽、香蕉及Energy Bar等道具,雖然為時只係60秒,不過小編試玩過後,唔只攰,仲出晒汗。雖然VR遊戲室有大風吹住,氣溫低過戶外,意想不到係薄薄嘅Climaheat真係保暖十足,唔會凍親之餘,薄身加彈性高嘅衣料,又唔會阻住手腳活動,箇中竅門在於中空纖維可以鎖住溫度又唔會焗親,而且衫身內部多個位置,都加入菱形與十字紋幾何設計,加強保暖與排汗功能,冬天怕凍唔做運動?冇藉口啦!

Climaheat Snow Run VR以計分制送禮物,大獎與二獎分別係HK$300與HK$100嘅現金禮券,三獎係adidas運動襪,仲有HK$1,000現金禮券做特別大獎,窩心提示係去到遊戲最尾段,會有兩幅掛滿香蕉嘅牆,而喺第二幅香蕉牆上,可以攞到25,000分嘅Energy Bar,千祈唔好Miss呀!至於遊戲詳情可到「三間聯盟」嘅Facebook專頁瀏覽。

活動小資料
名稱︰adidas Climaheat Snow Run
日期︰11月19至27日
時間︰4:00pm-10:00pm(周一至周五)/11:00am-10:00pm(周六至周日)
地點︰銅鑼灣Fashion Walk adidas旗艦店
費用︰全免(每日遊戲名額有限,詳情可到相關Facebook專頁瀏覽,或向店員查詢。)
Facebook︰三間聯盟