冷風殺到 5大必買冷帽登場
20161119
東網電視
更多新聞短片
雖然At this moment香港仲係有啲熱，但天文台拍晒心口話下星期會氣溫大跌，實牙實齒咁款，就信多佢一次吧！而提到帽子，如果形形式式的鴨嘴Cap帽是夏天的王道的話，那麼冬天就一定要屬於冷帽Beanie的世界，粗織厚冷夠晒保暖，薄冷則夠百搭有型，即使瞓醒覺頭髮蓬勃，一頂冷帽笠落頭上面就即刻可以出門口，連Gel頭嘅時間都省番，今日一於推介5頂最值得入手嘅冷帽畀大家參考參考！
1：Thrasher Embroidered Logo Beanie
今年板仔風持續盛世，歷史悠久的滑板雜誌兼品牌Thrasher得以再度升溫，矚目的大Logo，凡是印在T-shirt和衞衣之上都一定大賣，而到冬天將它縫印在冷帽之上，就更加食正Timing，據說香港好多板舖已斷貨，而仲好賣的亦貴多美國原價成倍有多，所以左度右度，還是去返美國網買實際啲！
2：Noah Geometric Beanie
而較之Thrasher，Noah則是個相當年青的品牌，由Supreme前創意總監Brendan Babenzian所領軍，基本上有齊晒Supreme應有的服裝精髓，有時設計仲更加爆烈添！好似這頂七彩Geometric冷帽，就滿載住美式街頭風情之外，也別具一份山系感，即係笠住去踩板又好，戴住行山露營亦得，如此全能，無怪乎Dover Street Market等世界首屈一指的名店都瞓身力撐吧。
3：Larose Paris灰色Beanie
另外來自巴黎的Larose同樣是個非常年青的品牌，2012才正式成立，但短短數年之間已憑着中高端的市場定位和上佳的紳士帽造工而風靡全球，這頂冷帽則是他們少有的作品，優質用料結合精細織工，搶眼度當然唔會高，卻一定是很有深度的名物！
4：GUCCI WOOL CABLE KNIT Beanie
至於近年地上最強的GUCCI當然榜上有名，根本上無論它近年創作了甚麼、還是復刻了甚麼，都一定會大賣斷貨，新潮的刺繡服飾固然不在講，傳統的綠紅間標誌性Item同樣搶手，例如這頂100%羊毛Beanie，用料精良而針織技術堅韌細緻不在講，帽邊的「綠紅GUCCI間」更格外注目，遠睇就知係GUCCI出品，收得你二千三，唔令到你有份虛榮感又點得呢？
5：VALENTINO CAMOUFLAGE Beanie
而如果閣大有$嫌二千三都未夠貴咁威水的話，則可以試試這頂VALENTINO出品，定價貴成差唔多一倍，真係好似戴咗曉飛咁，咁究竟貴喺邊呢，主要是其70% wool和30% Cashmere的構成成份，要知道wool從來普通，Cashmere卻稀有得多，一來Wool羊毛生長在綿羊身上，而羊絨Cashmere則只會長在山羊身上，而且Cashmere的柔軟滑順以至保暖程，均遠在Wool之上，所以其實識貨者就會發現人家係貴得有道理，絕無係「因為佢係華倫天奴就一定要老奉貴過人」。
網址：