Fear of God香港區官方網店登場？
20161121
東網電視
更多新聞短片
網店內賣的都是正貨，是否官方其實無需計較咁多！
美牌Fear of God近年人氣大盛，即使被一系列水貨舖炒至天價，仍然大把人去搶，絕對是業界奇蹟，不過更奇蹟的是近日有一個名叫Fear of God.Hk（http://www.fearofgod.hk/ ）的網店誕生，全部售賣Fear of God的產品不在講，外觀格式更同美國Fear of God官網如出一徹，令人不禁懷疑品牌係咪靜雞雞喺香港開咗網店，真係諗起都興奮！
不過，幾經查證之後，發覺這個官方網店原來是流的，但並不是話佢入面賣的是假貨，而只是它和Fear of God官方並沒有任何真接關連，那它是乜東東呢？其實這間Fear of God.Hk可說是Fear of God的一間網上水貨店，許多在Fear of God官網、ssense和H. Lorenzo等Online名店上極速Sold Out的FOD人氣單品，網站內都有發售，只因這間Fear of God.Hk與上述各大Online Store都有連繫，能夠比一般香港顧客更快更多地從這些網店中引進Fod的產品，價格基本上卻和原價相差無幾，講真都真係唔知佢哋點賺錢，但冇所謂，作為潮流人根本唔理得咁多，只要確保自己用合理價錢買到好嘢就得！
另外，網店內有些產品也要比起坊間來得平宜，例如近日Fear of God與PACSUN合作推出的一系列單品，這裏就齊色齊碼地有售；至於Bomber Jacket、爛牛等平常最快斷貨的Items，在Fear of God.Hk都可以找得到，當中泥黃色的Bomber Jacket更加以差不多原價的5折出售，認真抵到爛，聖誕前夕爆一個咁樣嘅筍網出嚟，呢舖真係唔使錢都唔得了！