拍片神兵 Manfrotto腳架系列
20161208
東網電視
更多新聞短片
Manfrotto是次發布的產品主要有Befree Live三腳架（左）及XPRO Monopod+系列單腳架。
潮流興玩拍片，尤其是網上分享都係以影片為主，所以Manfrotto就剛剛推出多件全新產品，專門針對拍片而設，先講講具有反摺式設計Befree Live三腳架，細支之餘亦方便攜帶，適合裝上無反或單反相機，而且附有的液壓雲台，能夠流暢地水平及上下擺鏡，拍攝出來的片穩定又順暢，至於腳架的高度可達151cm，安裝相機後差不多到Eye Level位置。
另外，不少婚禮攝錄師都會用攝錄單腳架拍片，而全新XPRO Video Monopod+單腳架就經過大幅改良，唔單只有鋁合金和碳纖版本，亦有四節和五節選擇。單腳架特別在於配備FLUIDTECH液壓底座，內裏設有球形結構，能夠支援平移、傾斜和旋轉三種動作，亦可以鎖定讓腳架不倒，最適合長時間定點攝錄。腳架的另一特點是能夠將單腳和底座分體，能夠拍片和影相兩用。
除了兩支傳統腳架，同場亦有推出手機專用的TwistGrip手機夾，由鋁金合物料打造，最有趣是頭尾採用扭擰設計，能夠由長條狀變成手機夾，加上可隨意調校長度，以便夾上不同尺寸手機，而且頂部仲可以加裝LED燈補光，適用於手機拍片和玩Live。
查詢：2327 6728