出嚟啦青眼白龍！遊戲王Duel Links 1月上架

「到我抽卡回合！出嚟啦，青眼白龍！」向來有抽卡神運，要邊張中邊張的武藤遊憩，相信是各位手遊玩家的「守護神」。單睇《遊戲王》就知佢幾咁屈機啦！KONAMI正式宣布手機遊戲《遊戲王 Duel Links》將於2017年1月中旬起在全球150個國家及地區正式上架，從此大家就可以化身遊憩戰無不勝喇。遊戲支援iOS及Android雙平台推出，對應包括英文、法文、繁體中文、韓文等11種不同語言。其實作品自11月起於日本推出以來，短短兩周內已超過500萬下載！並取得了App Store及Google Play免費排名榜的首位，可謂人氣爆燈！今次登陸其他地區，玩家就無需VPN重溫呢款經典。

《遊戲王Duel Links》基於「遊☆戲☆王」官方的實體卡牌遊戲，將抽卡對戰玩法帶到手機裝置中。決鬥者可以由700張卡片中自由組合成自己的牌組，來進行快速及即時的PVP對戰。遊戲的本質是決鬥者們在一個幻想的空間中，利用召喚怪物、陷阱及咒語各種效果來扣減對手生命值而取勝的遊戲。當中如海馬瀨人、青眼白龍等系列中深受喜愛角色和怪物將會粉墨登場。