清潔喇叭五大貼士　乾淨靚聲唔失禮

聖誕節就到，不少人都已經約定朋友準備開派對狂歡，如選擇在家開派對的話，音響是不可缺的一環，但一般人都忽略定時為喇叭做清潔，令單元周圍積滿灰塵，開派對時被朋友見到固然失禮，嚴重的話更影響音色，但要清潔到乾乾淨淨，而又不傷到喇叭，其實都有一定技巧，隨便找條濕布來抹，一個唔小心隨時弄凹單元振膜，就會嚴重影響到聲音定位的準確性，就等小記教大家清潔喇叭五大貼士，大家只要跟着做，就可以在不做成任何損傷的情況下，將喇叭清潔得乾乾淨淨。

貼士一：用氣泵仔幫高音單元去塵

高音單元是整座喇叭中最脆弱的部分，清潔時一不小心就會弄凹振膜，大大影響音色，最安全的清潔方法是用清潔相機鏡頭用的氣泵仔，吹走單元上的灰塵，然後再用舊軟毛牙刷超輕力地刷去單元周圍的塵，一定不可用濕布來抹，一來易弄凹，二來有可能留下水漬。

貼士二：棉花棒洗低音單元唔好用火酒

低音單元振膜較高音單元堅韌，但清潔時都要非常小心，首先用氣泵仔去塵，然後用棉花棒沾上清水，輕力洗刷表面，有人以為用火酒或天拿水去污較果會更佳，但其實那些高揮發性的液體，有可能腐蝕振膜表面，做成難以修復的損傷，考究的話，用蒸餾水就已經很足夠。

貼士三：用膠紙黏走隔塵網的灰塵

一般人貪方便，會用吸塵機直接吸走隔塵網表面的灰塵，但一些吸塵機吸力太強，有可能損壞隔塵網的脆弱位，安全而又有效的方法，是用透明膠紙貼上隔塵網表面，再用舊牙刷慢慢輕刷，就能有效黏除積在隔塵網上的灰塵。

貼士四：將紙巾扭尖洗喇叭插隱蔽位

喇叭插是整座喇叭中少數外露的金屬位，最容易生銹，清潔時亦要特別小心，首先要將金屬鈕旋鬆開後，將線材拆下，然後用抹布沾點火酒來輕刷表面，有人會用WD-40來清潔，但其實WD-40的腐蝕力太強，去銹的同時亦會腐蝕到喇叭插表面金屬，用火酒就比較溫和，清潔完表面後，可將紙巾扭成尖頭狀，再沾上火酒去清潔插內的入線隱蔽位。

貼士五：喇叭表面不要用濕布抹

清潔喇叭表面位，可說是最簡單的一環，但當中都有技巧可言，就是用濕布抹完後記得再用乾布抹乾，因為喇叭表面濕氣太重，會影響到單元的耐用性及音色，最後用碧麗珠等噴蠟噴上乾布，抹兩抹就能形成保護膜，外觀上亦光鮮得多。