清潔App精選 幫你年尾洗邋遢

20170111
東網電視
更多新聞短片
若果唔想自己落手落腳洗邋遢 ,其實坊間有唔少清潔App幫到你。

正所謂「年廿八洗邋遢」,每年年尾都要執屋、洗車、大掃除,若果唔想自己落手落腳執屋,或大排長龍洗車,其實坊間有唔少清潔App幫到你。

《洗車俠》App不但具備O2O上門洗車服務,而且由即日起至2月11日,更推出碌柚葉洗車服務,讓愛車洗走去年的霉氣。據悉選用任何專業上門打蠟或鍍膜套餐,更額外加送「升級版碌柚葉蒸籠服務」,全車散發柚子清香,自然財源好運滾滾來!
系統:Android、iOS

《家務幫》App本身提供唔少服務,例如鐘點、陪月、托兒等等,不過年尾執就當然要靠鐘點家務助理,呢批家務助理來自不同區域及擁有豐富經驗,加上工作一旦刊登,系統會幫你搜尋合適的人選,快捷尋找專業好幫手。
系統:Android、iOS

《師傅到》App顧名思義就係幫你搵師傅,不過就唔係風水師傅,而係維修師傅。App除了提供電力裝置、開鎖裝鎖、鋁窗檢修、防水補漏等服務,估唔到仲有安裝電動車裝置服務,雖然隻App就幫唔到你清潔,但就能夠幫你修理好家中的一切。
系統:Android、iOS