買車厘子必睇　達人教你入貨貼士

農曆新年期間，寓意「生生猛猛」的生果是賀年必備食品之一，其中又以貴價水果最受歡迎，好似紅卜卜、圓碌碌的車厘子就最應節。去到果欄就會發現，今年車厘子每箱價錢由HK$300至HK$800都有，產地以澳洲塔斯曼尼亞及智利為主，而品種選擇亦不少，到底我們應該如何入貨先最精明呢？聽果欄鮮果皇負責人楊先生講，揀車厘子最重要就是椗頭要新鮮青綠、翠綠色。車厘子身要夠硬度不好太軟，如果夠硬度吃起來比較爽脆甜。至於品種方面，香港常吃到的車厘子品種包括立天(Lapin)、Simone、Regina、Stella等，每個品種有都不同的特性。

以Regina為例，其口感比較多汁，吃到尾時會有輕微果酸味道。而Simone就與Regina差不多，比較多汁，咬下去帶少許腍身，味道酸中帶甜。至於最受香港人歡迎的就是立天(Lapin)，入口爽脆香甜又多汁。除了揀品種之外，還要睇埋大小，以同一品種、產地為例，都可以分為26-28mm、28-30mm、30-32mm、32-34mm及34mm+，共5個Size。另外，就要留意車厘子都有好多個牌子。以澳洲車厘子為例，就有金袋鼠、43度、紅鑽石等等，其中紅鑽石就是車厘子中的名牌，價錢亦比較貴。