袋仔細細　襯出型味

今季流行甚麼手袋？總是女生們最關注的，只要看看T台就一清二楚。近幾季在手袋界熱爆的Mini Bag氣勢依然持續，而且愈出愈Mini，其Size可能只有你部手機咁上下大，最多再放支唇膏、鏡仔和小量錢，雖然好的骰，但當你看到Alexander Wang和Coach 1941的T台示範，女模手挽着迷你手袋的型格Look，就會發現即使袋仔細細，威力也可以好驚人。

雖然迷你手袋予人的感覺不太實用，未必適合上班，但在周末或派對玩樂時，可斜孭、側孭的迷你手袋始終輕便得多。另一個令女生對迷你手袋愛不釋手的原因，就是其價位，與大Size手袋相比自然較相宜、較用易入手，買多幾個來襯衫都得。