東瀛高手　自組LEGO天威勇士

如果你係70後、80後嘅男生，細細個又鍾意睇機械人動畫嘅話，一定記得呢幾句對白︰「有黑暗就有光明，有邪惡嘅地方就有正義」，尤其是呢句︰「我無必要講個名你知！」邊個角色咁寸嘴？逢係《天威勇士》嘅主角「阿龍」囉，身為男一，囂張啲都唔會畀人Cut戲份嘅！

《天威勇士》機設上嘅最大特色，就係阿龍可以與藍色機械人「劍龍」合體，而劍狼又再與巨形嘅紅色機械人合體，變成最終形態——無敵鐵甲人，其實成個合體過程與更早年嘅《高迪安》一模一樣。除咗超合金類別嘅商品，最近日本就有一位玩具高手MoKo，用LEGO製作出自家設計嘅Q版天威勇士，唔只大大隻夠台形，仲有好高可動性，最厲害係百分百還原合體模式，一字記之曰︰勁！而且唔只天威勇士，呢位高手仲以同樣手法，製作過LEGO版本嘅高達、EVA與變形金剛等多位科幻角色，想知佢有幾犀利，可到MoKo嘅網誌（ http://blog.livedoor.jp/legolego05/archives/52903909.html ）瀏覽。