Yoga Fire!印度佬有聲有火

20170305
東網電視
更多新聞短片
Yoga Fire!印度佬有聲有火

細個打《街霸》,最怕對住印度佬,手腳長腳兼曉噴火,招式有齊上中下路,真係打到一肚氣!不過新出這隻印度佬Q版Figure唔單止令人火氣全消,仲好想擁有!

這款型號為「T.N.C.-06 Dhalsim」的印度佬Figure由土炮玩具廠BigBoysToys開發,此廠之前已經出過彩版阿隆、阿Ken、春麗、怪獸青狼,全部叫好叫座,今次再接再厲推出新角色,有心儲齊就咪錯過!

一如舊作,印度佬採用了精美外盒作包裝,表面印有佢老哥個Q版大頭樣,側面則是「孤高的Yoga戰士」字樣,加上硬皮用料,靚到唔捨得丟!「主角」Figure則以PVC及ABS混合打造,將印度佬的光頭樣、四肢、肌肉、手環以至骷髏頭頸鏈全部立體化出來,而且塗裝出色,膚色像真度高,配合半透明大火球,令人勾番起唔少童年回憶!

除了造型「靚仔」,Figure仲加入廠商最強的電子元素,只要撳一撳地台右下角的「必殺技」按鍵,印度佬嘴前大火球便會發出紅光,地台亦會同步發出「Yoga Flame」聲音,有聲有畫,將招牌大絕招忠實呈現!地台電力由三枚AAA電池驅動,其他配件還包括印度佬「主場」背景、角色資料卡等,不過若送埋長手長腳做配件,造型就更加多變傳神!幾時有得賣?Figure目前已經上市。