狗狗沖涼新法寶　明抄Iron Man？

話說有陣時狗狗都幾難令人理解，佢哋鍾意玩水、游水，但係又怕沖涼，尤其是唔鍾意畀花灑照頭淋，相信大部分主人都會認同，幫狗狗沖涼絕對係一件苦差事， Don’t worry，今年內將有一件新法寶幫主人唔再吃力不討好。

美國有一位創意高手Daniel Lentz，同佢嘅拍檔團隊搞咗件新發明Aquapqw，賣相好似係一件掌心雷按摩擦，原理係連接水喉後，就可以喺掌心中央射水，戴喺手上，就可以一邊幫狗狗按摩，一邊同佢哋沖涼，大大降低狗狗對沖涼嘅戒心，試問有邊隻狗狗唔鍾意主人摸摸先？而且用家只需要喺掌心一按，就可以控制出水開關，比傳統花灑慳水得多。睇宣傳片，示範地點都係屋企嘅後花園，香港又有幾多人用得着？唔使愁，因為加裝連接配件，就可駁上屋企嘅花灑或者水龍頭，喺浴室都用得。呢件新發明以眾籌形式推出，籌款目標亦已達標，預計9月付運，售價由US$30起，有興趣嘅主人可以到 https://www.kickstarter.com 搵搵。