【香港終於有手信】地道點心肥皂 好想咬啖!

20170306
東網電視
更多新聞短片
做法同真腸粉無咩分別!

嘩,咁多香港本土特色小食嘅?開餐啦!咦,咪住先,點解缽仔糕會有薰衣草香味嘅?原來係自家手製嘅番梘嚟?等我哋聽吓點心師傅,呀唔係,係整梘師傅點介紹呢個工作坊啦!位於荔枝角的順記肥皂餅家,專門製作以香港食物為主題的特色番梘,創作人表示︰「每一件食物的主題都反映了當時香港的食物文化和生活環境。就以菠蘿油為例,其實唔講唔知它是來自70至80年代香港工業鼎盛的時代,當時返工廠的人需要在工業區食飯,買飯盒,因而有很多茶餐廳冒起,就會出現蛋撻及菠蘿油等,菠蘿油就是出現於當時,你會見到它其實是中西合璧的,它既有牛油,又有港式麵包,售賣於茶餐廳。因此我們就以菠蘿油為主題,配以生活上的物料肥皂,製成這個有肥皂成分的創作作品。」

除了出現於70至80年代的菠蘿油之外,我們在街頭經常會見到豬腸粉,它其實是香港早餐系列其中一碟菜式。在外國你可能會食三文治,番茄豆作早餐,但廣東人的主食及早餐多以米為主,所以它的主要成分是米漿,捲成一條條的腸粉,再切件,然後放上葱花及甜醬,就是最常見的香港早餐了。不同的食物又反映了香港不同的起居飲食,就如缽仔糕是香港舊有的小甜品,另外還有遊客來到香港必食的一盅兩件點心,有粉果,燒賣等。大家以後想買手信送畀遠方好友,不妨自製帶有香港特色的番梘,再配上不同功能的香薰精油番梘,將港式文化同禮品一併送上啦!