日本限定　Miffy鬆弛熊美食

有卡通公仔加持的食物，一向都受歡迎，鬼叫款款都整到靚一靚，買嚟唔食齋影相都已經夠開心。如果是喜歡Miffy的朋友，又會去開東京旅行，就唔好錯過於東京池袋西武8樓設立的Miffy Cafe。開業日期由明天起舉行至5月7日，供應一系列Miffy造型的食物，例如白咖喱飯，就化身成不倒翁造型的Miffy，外形趣怪可愛，另外有原個烤蘋果，配上Miffy樣的雪糕，相當過癮。

而便利店Lawson就推出了鬆弛熊櫻花主題的和菓子，一盒兩粒的和菓子有鬆弛熊及雞仔造型，分別是布甸味及柚子味，都有配上櫻花裝飾，一樣靚到令人唔捨得食。