洗腦靠搣面仔　日本果汁糖廣告爆紅

日本糖果廣告競爭十分大，經常用盡靚女、動物等人氣元素吸Like！好似今次呢個廣告就一於咩都出齊，萌死男女老幼咁話。森永製菓旗下的HI-CHEW軟糖推出3款Premium版，分別有葡萄、青葡萄以及北海道牛乳味。為咗表達主題「Q彈Q彈感覺」，廣告竟然出現輕輕搣喵大人、柴犬肥臉仔的畫面，讓人忍不住大叫Kawaii，實在令人好奇點解喵大人會肯被搣？之後連穿上女僕裝的靚女都被人搣埋一份，睇到都想加入。咁洗腦，係人都知好彈啦！至於另一洗腦例子，莫過於搵石原里美代言的明治果汁糖廣告，有大美人的可愛表演，分享率超高呢！