美白牙齒有乜計？外國話興呢兩樣……

都市人成日飲咖啡又食深色濃味嘢，加上部分人士有吸煙習慣，牙齒容易變得枯黃，影響外觀。但係做正式的漂牙程序價格高昂，唔係個個都負擔到，一陣飲杯奶茶冇晒咪好唔抵！外國就興緊以下兩樣美白牙齒方法！第一式：來自美國的Pop White美白牙膏，官方稱取代傳統使用過氧化物的漂牙方法，採用顏色校正的「紫色」配方，能夠和牙齒黃漬互相抵消。網友就示範刷牙刷到起晒紫色泡泡，十分新奇。

第二式，就係家用藍光牙齒美白機。韓國品牌Dr Smile的美白機其實係一個牙套形狀，上面每顆牙齒有相應的LED燈，使用時會發出10條特殊波長的LED光束。照燈之前，將牙齒美白Gel均勻塗上牙齒，然後LED光會激活漂牙劑，達致美白牙齒效果。呢部機體積細細，竟然可以直接插手機取電，大家又敢唔敢試呢？