自製健康復活彩蛋

復活節就到，每次經過商場或超市，小朋友也會被繽紛彩蛋所吸引，當然啦！朱古力蛋咁好味，仲要印上七彩花紋，大人見到都想買幾隻應節。不過復活節朱古力蛋通常都勁甜，食用色素多吃亦無益，想小朋友過一個健康復活節，不如用健康食材自製彩蛋。

IG用戶Nanamaryskitchen最近就教大家用洋葱、薑黃、紫椰菜及紅菜頭這些健康食物為雞蛋染色。只需分別用清水浸泡食材，然後煮15至60分鐘，隔走材料後加1湯匙醋拌勻，然後用已染色的水浸泡並冷藏雞蛋2至12小時，乾透後便成為成份天然的七彩復活蛋。