《One Piece》出泳衣　冇爆乳身材都着到

內衣品牌Peach John時常都會推出聯乘款式，今次竟然同《One Piece》合作，推出第一彈共四款產品，包括以娜美為主角的比堅尼套裝、代表妮可羅賓的深藍色泳裝、白星主題的內衣套裝，以及象徵蛇姬的火紅色內衣套裝。當中內衣套裝的details位甚多，又有蝴蝶結又有喱士邊，拼色勁靚，相信會引起《One Piece》女粉絲狂搶！而且罩位涵蓋B-F Cup，毋須擁有卡通主角一般的身材都Carry到！4月12日開始會喺官網發售，而Peach John的涉谷店、池袋店、なんば店都會有售。嚟緊會推出第2彈，仲足足有6款，令人好期待呀！